Annotatsiya

Annotatsiya. Mazkur maqolada innovatsion loyihalarning zamonaviy iqtisodiyotni rivojlantirishdagi o‘rni va ahamiyati tahlil qilingan. Tadqiqotda innovatsion loyihalarning iqtisodiy o‘sishga ta'sir mexanizmlari, ularning samaradorligini belgilovchi omillar hamda O‘zbekistonda innovatsion loyihalarni qo‘llab-quvvatlash bo‘yicha amalga oshirilayotgan chora-tadbirlar o‘rganilgan. Natijalar shuni ko‘rsatdiki, innovatsion loyihalar mamlakat iqtisodiyotining raqobatbardoshligini oshirish, yangi bozorlarni egallash va uzoq muddatli iqtisodiy o‘sishni ta'minlashda hal qiluvchi ahamiyatga ega. Maqolada innovatsion loyihalar samaradorligini oshirish bo‘yicha amaliy tavsiyalar ishlab chiqilgan.

Kirish. Zamonaviy dunyoda iqtisodiy taraqqiyotning asosiy harakatlantiruvchi kuchi innovatsiyalar hisoblanadi. Bugungi globallashuv va texnologik taraqqiyot davrida iqtisodiyotning barcha sohalarida innovatsion yechimlar va raqamli texnologiyalar asosiy omilga aylanmoqda. Iqtisodiy o‘sish har qanday davlat iqtisodiyoti muvaffaqiyatining asosiy ko‘rsatkichi bo‘lib, bu jarayonda innovatsiyalar muhim rol o‘ynaydi, faoliyat samaradorligini oshirish va ishlab chiqarish jarayonlarini takomillashtirish imkonini beradi .

Innovatsion loyihalarning iqtisodiyotni rivojlantirishdagi roli bir qator fundamental jihatlar bilan belgilanadi. Birinchidan, innovatsiyalar yangi mahsulot va xizmatlar yaratish orqali qo‘shimcha qiymat hosil qiladi. Ikkinchidan, ular ishlab chiqarish jarayonlarini optimallashtirish va resurslardan samarali foydalanish imkonini beradi. Uchinchidan, innovatsion loyihalar yangi bozorlarni o‘zlashtirish va mavjud bozorlarda raqobatbardoshlikni oshirishga xizmat qiladi .

O‘zbekiston Respublikasida ham innovatsion rivojlanish davlat siyosatining ustuvor yo‘nalishlaridan biriga aylangan. "O‘zbekiston – 2030" strategiyasida mamlakatni innovatsion jihatdan taraqqiy etgan kuchli elliktalik mamlakatlar qatoriga olib chiqish vazifasi belgilangan [1]. "Innovatsion faoliyat to‘g‘risida"gi Qonun (2020) va "Raqamli O‘zbekiston – 2030" strategiyasi kabi dasturiy hujjatlar innovatsion loyihalarni qo‘llab-quvvatlashning huquqiy asoslarini yaratgan [2,3].

#Kalit so‘zlar: innovatsion loyihalar #iqtisodiy o‘sish #raqobatbardoshlik #innovatsion iqtisodiyot #texnologik taraqqiyot #investitsiyalar #startap ekotizimi